ഷാർജ അന്താരാഷ്ട്ര പുസ്തകോത്സവം സന്ദർശിക്കാനെത്തിയ ലുലു ഗ്രൂപ്പ് ചെയർമാൻ യൂസഫ് അലി, അക്കാഫ് ഇവന്റ്‌സിന്റെ ബുക്ക് സ്റ്റാൾ സന്ദർശിച്ചു.

നാളെ പ്രകാശനം ചെയ്യാനിരിക്കുന്ന മൂന്ന് പുസ്തകങ്ങൾക്ക് അദ്ദേഹം ആശംസകൾ നേർന്നു. അക്കാഫിന്റെ പ്രവർത്തനങ്ങൾക്ക് എല്ലാ പിന്തുണയും വാഗ്ദാനം ചെയ്ത യൂസഫ് അലി, വിസിറ്റർ ബുക്കിൽ തന്റെ ആശംസകൾ രേഖപ്പെടുത്തിയാണ് മടങ്ങിയത്.

നാലാം തീയതി ഇന്ത്യൻ കോൺസൽ ജനറൽ ഡോ. വിഷ്ണു വർദ്ധൻ റെഡ്ഡി ഉദ്ഘാടനം ചെയ്ത ഈ ബുക്ക് സ്റ്റാളിൽ നിരവധി പുസ്തക പ്രകാശനങ്ങളും ദിവസേന നടക്കുന്നുണ്ട്.

തമിഴ്‌നാട്ടിലെ വിഴുപ്പുറം സ്വദേശിയായ ഒരു യുവാവ് തന്റെ മുൻ കാമുകിയെക്കുറിച്ചുള്ള സ്വകാര്യ വിവരങ്ങൾ തേടി 97 വിവരാവകാശ അപേക്ഷകൾ സമർപ്പിച്ചു.

യുവതിയുടെ താമസം, ജോലി, വിവാഹനില, മുൻ പ്രണയബന്ധങ്ങൾ, ഫോട്ടോ എന്നിവയെക്കുറിച്ചായിരുന്നു 1,887 ചോദ്യങ്ങൾ.

വിവരാവകാശ നിയമത്തിന്റെ ദുരുപയോഗം ചൂണ്ടിക്കാട്ടി തമിഴ്‌നാട് വിവരാവകാശ കമ്മിഷണർ അപേക്ഷകൾ തള്ളുകയും യുവാവിന് മുന്നറിയിപ്പ് നൽകുകയും ചെയ്തു.

മലയാള സിനിമയെ അപേക്ഷിച്ച് തെലുങ്ക് സിനിമാ വ്യവസായം വലുതാണെന്ന് നടി അനശ്വര രാജൻ അഭിപ്രായപ്പെട്ടു.

തെലുങ്ക് സിനിമാ മേഖല വളരെ ഊർജ്ജസ്വലമാണെന്നും അവർ കൂട്ടിച്ചേർത്തു. ദി ഇന്ത്യൻ എക്സ്പ്രസ് ആണ് ഈ വാർത്ത റിപ്പോർട്ട് ചെയ്തത്.