ഷാർജ അന്താരാഷ്ട്ര പുസ്തകോത്സവത്തിൽ അക്കാഫ് ഇവന്റ്‌സ് ബുക്ക് സ്റ്റാൾ ഇന്ത്യൻ കോൺസൽ ജനറൽ ഡോ. ഇ. വിഷ്ണു വർദ്ധൻ റെഡ്ഢി ഉദ്ഘാടനം ചെയ്തു.

പ്രസിഡന്റ് ചാൾസ് പോൾ അധ്യക്ഷനായ ചടങ്ങിൽ ജനറൽ സെക്രട്ടറി വി. എസ്. ബിജുകുമാർ സ്വാഗതം ആശംസിച്ചു. ഷാർജ ഇന്ത്യൻ അസോസിയേഷൻ സെക്രട്ടറി വൈ. എ. റഹീം ആശംസകൾ അറിയിച്ചു.

ബാഷോ ബുക്‌സുമായി സഹകരിച്ച് ZD-4-ൽ പ്രവർത്തിക്കുന്ന സ്റ്റാളിൽ അക്കാഫ് ഈ വർഷം പുറത്തിറക്കുന്ന മൂന്ന് പുസ്തകങ്ങളും ലഭ്യമാണ്.

വനങ്ങളുടെയും വന്യജീവികളുടെയും സംരക്ഷണത്തിനായി വനം വകുപ്പിന്റെ ബ്രാൻഡ് അംബാസഡർമാരായി നടന്മാരായ കുഞ്ചാക്കോ ബോബനും പൃഥ്വിരാജ് സുകുമാരനും എത്തുന്നു.

ജനപങ്കാളിത്തം വർധിപ്പിക്കുക എന്നതാണ് ഈ കൂട്ടായ്മയുടെ പ്രധാന ലക്ഷ്യം. ഇത് വനസംരക്ഷണ പ്രവർത്തനങ്ങൾക്ക് കൂടുതൽ കരുത്ത് പകരുമെന്ന് പ്രതീക്ഷിക്കുന്നു.

കോട്ടയം കുമാരനല്ലൂരിൽ കാണാതായ നിമിഷ ഷാജി (26) എന്ന യുവതിയുടെ മൃതദേഹം മീനച്ചിലാറിന്റെ കൈവഴിയിൽ കണ്ടെത്തി.

വടക്കേനടയ്ക്ക് സമീപമാണ് മൃതദേഹം കണ്ടെത്തിയത്. യുവതിയെ കാണാതായതിനെ തുടർന്ന് ബന്ധുക്കൾ ഗാന്ധിനഗർ പോലീസിൽ പരാതി നൽകിയിരുന്നു.

ബന്ധുക്കളും നാട്ടുകാരും പോലീസും ചേർന്ന് നടത്തിയ തിരച്ചിലിനിടെയാണ് മൃതദേഹം കണ്ടെത്തിയത്. സംഭവത്തിൽ ഗാന്ധിനഗർ പോലീസ് അന്വേഷണം ആരംഭിച്ചു.