ബെംഗളൂരുവിൽ യുവതിയെ കത്തിമുനയിൽ ഭീഷണിപ്പെടുത്തി: ഒരാൾ അറസ്റ്റിൽ
ബെംഗളൂരുവിലെ ഡോംലൂർ 100 ഫീറ്റ് റോഡിലുള്ള ഓഫീസിൽ അതിക്രമിച്ചുകയറി യുവതിയെ കത്തിമുനയിൽ ഭീഷണിപ്പെടുത്തിയ കേസിൽ പ്രഭുരാജ് എന്നയാൾ അറസ്റ്റിലായി.
ഒക്ടോബർ 31-നാണ് സംഭവം നടന്നത്. സ്വർണമാല നൽകിയില്ലെങ്കിൽ കുത്തിക്കൊല്ലുമെന്ന് ഇയാൾ ഭീഷണിപ്പെടുത്തിയതായി എൻഡിടിവി റിപ്പോർട്ട് ചെയ്യുന്നു.
ബഹളം കേട്ട് ഓടിയെത്തിയ ജീവനക്കാരും നാട്ടുകാരും ചേർന്ന് ഇയാളെ പിടികൂടി പോലീസിൽ ഏൽപ്പിക്കുകയായിരുന്നു. സംഭവത്തിന്റെ യഥാർത്ഥ ഉദ്ദേശ്യം കണ്ടെത്താൻ ഇന്ദിരാനഗർ പോലീസ് അന്വേഷണം ആരംഭിച്ചു.
ജിദ്ദയിൽ ചികിത്സയിലായിരുന്ന മലയാളി യുവാവ് അന്തരിച്ചു
ജിദ്ദയിൽ ചികിത്സയിലായിരുന്ന പാലക്കാട് സ്വദേശി സിദ്ദീഖുൽ അക്ബർ (34) അന്തരിച്ചു. ന്യൂ ജിദ്ദ ആശുപത്രിയിൽ വെച്ചായിരുന്നു അന്ത്യം.
കഴിഞ്ഞ രണ്ട് വർഷമായി നാഫ്‌കോ കമ്പനിയിൽ ഇലക്ട്രിക്കൽ എഞ്ചിനീയറായി ജോലി ചെയ്തുവരികയായിരുന്നു അദ്ദേഹം.
മരണാനന്തര നടപടികൾ പൂർത്തിയാക്കിയ ശേഷം മൃതദേഹം ജിദ്ദയിൽ ഖബറടക്കും. കുടുംബത്തിന്റെ ദുഃഖത്തിൽ പങ്കുചേരുന്നു.
റുവാനിക്ക് സ്നേഹവീടൊരുങ്ങി; ഇനി മഴ നനയാതെ ഉറങ്ങാം
മഴയുള്ള രാത്രികളിൽ ഉറങ്ങാൻ കഴിയുന്നില്ലെന്ന റുവാനിയുടെ സങ്കടത്തിന് സ്നേഹവീടായി മറുപടി. ജൂണിൽ വീഡിയോ പുറത്തുവന്നതോടെ മുഖ്യമന്ത്രി പിണറായി വിജയൻ അമ്മ പ്രിയങ്കയെ വിളിച്ച് വീടുറപ്പു നൽകിയിരുന്നു.
കൊട്ടാരക്കരയിലെ എം.ജി.എം ഗ്രൂപ്പിന്റെ സഹായത്തോടെ മൂന്നുമാസംകൊണ്ട് പൂർത്തിയാക്കിയ വീടിന്റെ താക്കോൽ ഇന്ന് കൈമാറി. റുവാനിയുടെ തുടർവിദ്യാഭ്യാസത്തിനും ഗ്രൂപ്പ് സഹായം നൽകും.
EU approves JD.com takeover of CECONOMY with conditions
The European Commission has approved the acquisition of CECONOMY AG by JD.com, Inc. under the Foreign Subsidies Regulation. The approval is conditional upon full compliance with commitments offered by the parties.
ദുബൈ ആസ്റ്റർ ആശുപത്രിയിലെ പ്രവിത ഡെൽവിൻ ജിന്റോ അന്തരിച്ചു
ദുബൈ മൻകൂൽ ആസ്റ്റർ ആശുപത്രിയിലെ ഓപ്പറേഷൻസ് വിഭാഗം അസിസ്റ്റന്റ് മാനേജരായിരുന്ന പ്രവിത ഡെൽവിൻ ജിന്റോ (33) അന്തരിച്ചു.
മംഗലാപുരം മലവൂർ സ്വദേശിനിയാണ് പ്രവിത. മൃതദേഹം നാട്ടിലേക്ക് കൊണ്ടുപോകും.
കുടുംബത്തിൻ്റെയും പ്രിയപ്പെട്ടവരുടെയും ദുഃഖത്തിൽ പങ്കുചേരുന്നു.