പഞ്ചാബ് നിയമസഭാ തെരഞ്ഞെടുപ്പിനായുള്ള കോൺഗ്രസ് വാർ റൂമിന്റെ ചുമതല മുൻ ഐഎഎസ് ഉദ്യോഗസ്ഥൻ കണ്ണൻ ഗോപിനാഥന് നൽകി.

തെരഞ്ഞെടുപ്പ് പ്രവർത്തനങ്ങൾ ഏകോപിപ്പിക്കുക എന്നതാണ് വാർ റൂമിന്റെ പ്രധാന ദൗത്യം.

മലപ്പുറം കൊളപ്പുറം വി.കെ. പടിയിലുണ്ടായ വാഹനാപകടത്തിൽ പൊന്മള സ്വദേശികളായ ജിസ്മിന സുലൈമാൻ (23), ജിബിൻ സുലൈമാൻ (19) എന്നിവർ മരിച്ചു.

മഅദിൻ പബ്ലിക് സ്കൂളിലെ പ്രീകെജി അധ്യാപികയായിരുന്നു ജിസ്മിന. രാമപുരം ജെംസ് കോളജിലെ ഒന്നാംവർഷ ബി.സി.എ. വിദ്യാർഥിയായിരുന്നു ജിബിൻ.

അപകടകാരണം സംബന്ധിച്ച് വ്യക്തത വന്നിട്ടില്ല.

മലപ്പുറം കോയിച്ചനയിൽ പുലർച്ചെ ടയർ പൊട്ടി സന്ദീപ് വാര്യർ എംഎൽഎ സഞ്ചരിച്ച വാഹനം അപകടത്തിൽപ്പെട്ടു. എംഎൽഎയ്ക്കും സഹപ്രവർത്തകർക്കും പരിക്കുകളില്ല.

പിന്നിൽ നിന്ന് കൂട്ടിയിടിച്ച രണ്ട് കാറുകളിലെ കുടുംബങ്ങളും സുരക്ഷിതരാണ്. ആരും ആശങ്കപ്പെടേണ്ടതില്ലെന്ന് അദ്ദേഹം അറിയിച്ചു.

വിവരങ്ങൾ അന്വേഷിച്ചവർക്കും പ്രാർത്ഥിച്ചവർക്കും സന്ദീപ് വാര്യർ നന്ദി രേഖപ്പെടുത്തി.