അക്ഷിത മാസിക ഗബ്രിയേൽ ഗാർസിയ മാർക്കേസിന്റെ സ്മരണാർഥം മലയാള ചെറുകഥാ മത്സരം സംഘടിപ്പിക്കുന്നു. വിജയിക്ക് 10,001 രൂപയും പ്രശസ്തിപത്രവും ലഭിക്കും.
പ്രസിദ്ധീകരിച്ചതോ അല്ലാത്തതോ ആയ കഥകൾ മത്സരത്തിന് അയയ്ക്കാം. 60 വയസ്സ് കഴിഞ്ഞവർക്കും പങ്കെടുക്കാം.
കഥകൾ അയയ്ക്കേണ്ട അവസാന തീയതി 2027 ഫെബ്രുവരി 10 ആണ്. indiabooks123@gmail.com എന്ന വിലാസത്തിൽ കഥകൾ അയയ്ക്കുക.
മാർച്ച് 6-ന് നടക്കുന്ന ചടങ്ങിൽ സമ്മാനം വിതരണം ചെയ്യും.
കരീബിയൻ മേഖലയിലെ ഗ്രാൻഡ് കേമാൻ ദ്വീപിലുണ്ടായ വാഹനാപകടത്തിൽ തൃശ്ശൂർ സ്വദേശി അശ്വനി കുമാർ (39) മരണപ്പെട്ടു.
തൃശ്ശൂരിലെ പ്രമുഖ അഭിഭാഷകരായിരുന്ന അഡ്വ. ജയസൂര്യന്റെയും അഡ്വ. ലീന ജയസൂര്യന്റെയും ഏകമകനാണ് അശ്വനി കുമാർ.
ഷാർജ അന്താരാഷ്ട്ര പുസ്തകോത്സവത്തിൽ വെച്ച് മഞ്ജു ശ്രീകുമാർ എഡിറ്റ് ചെയ്ത ‘എന്റെ വീട്’ എന്ന പുസ്തകം പ്രകാശനം ചെയ്തു.
പുസ്തക പ്രകാശന ചടങ്ങിനോടനുബന്ധിച്ച് അക്കാഫ് ഇവന്റ്സ് മഞ്ജു ശ്രീകുമാറിനെ ആദരിച്ചു. അക്കാഫ് ജനറൽ സെക്രട്ടറി വി. എസ്. ബിജുകുമാർ പൊന്നാടയണിയിച്ച് ആദരവ് സമ്മാനിച്ചു.
അക്കാഫ് സെക്രട്ടറി മനോജ് കെ. വി., വൈസ് പ്രസിഡന്റ് ശ്യാം വിശ്വനാഥ്, ചീഫ് കോർഡിനേറ്റർ അനൂപ് അനിൽ ദേവൻ തുടങ്ങിയവർ ചടങ്ങിൽ പങ്കെടുത്തു.
ശബരിമല മണ്ഡല-മകരവിളക്ക് തീർത്ഥാടനത്തിനായി ക്ഷേത്രനട നാളെ വൈകുന്നേരം 5 മണിക്ക് തുറക്കും. തന്ത്രിയുടെ സാന്നിധ്യത്തിൽ മേൽശാന്തി ശ്രീലകത്ത് ദീപം തെളിയിക്കും.
പുതിയ ശബരിമല, മാളികപ്പുറം മേൽശാന്തിമാരുടെ അവരോധിക്കൽ ചടങ്ങ് നാളെ വൈകുന്നേരം 6:30-ന് നടക്കും. വൃശ്ചികം ഒന്നായ മറ്റന്നാൾ പുലർച്ചെ പുതിയ മേൽശാന്തിമാർ നട തുറക്കുന്നതോടെ 41 ദിവസം നീളുന്ന മണ്ഡലകാല പൂജകൾക്ക് തുടക്കമാകും.
ഡിസംബർ 27-നാണ് മണ്ഡലപൂജ. നാളെ ഉച്ചയ്ക്ക് 12 മണിക്ക് ശേഷം മാത്രമേ നിലയ്ക്കലിൽ നിന്ന് ഭക്തരെ പമ്പയിലേക്ക് കടത്തിവിടുകയുള്ളൂ.
എച്ച്സിഎൽ ടെക്നോളജീസിന്റെ മുൻ സിഇഒയും പ്രമുഖ എഴുത്തുകാരനും ജീവകാരുണ്യ പ്രവർത്തകനുമായ വിനീത് നായരുമായി ഷാർജ അന്താരാഷ്ട്ര പുസ്തകമേളയിൽ അനൂപ് മുരളീധരൻ നടത്തിയ സംവാദം ശ്രദ്ധേയമായി.
നേതൃത്വം, നവീന ആശയങ്ങൾ, മനുഷ്യകേന്ദ്രീകൃത മാനേജ്മെന്റ് സമീപനങ്ങൾ എന്നിവയെക്കുറിച്ചുള്ള ചിന്തകൾ പങ്കുവെച്ച കൂടിക്കാഴ്ച ഏറെ പ്രചോദനകരമായ അനുഭവമായി.
അർത്ഥവത്തായ ഇത്തരം സംവാദങ്ങൾക്ക് അവസരമൊരുക്കിയ ഷാർജ അന്താരാഷ്ട്ര പുസ്തകമേളയ്ക്ക് നന്ദി.
#THINCKSHOTS #AnoopMuralidharan #VineetNayar #SIBF2026 #Leadership